Tyrd i archwilio posibiliadau gweadol a chael hwyl yn arbrofi gyda gwneud darnau o bapur wedi’i ailgylchu â llaw. Byddi di’n dysgu sut i ddefnyddio Decal a Mowld a thrawsnewid hen bapur yn bapur newydd, gan ddefnyddio’r dull tywallt.
Dewisa o blith petalau sych, hadau, dail ac edafedd i’w hychwanegu at dy bapur pwrpasol i greu arwynebau gweadol cyffrous. Gellir fframio’r rhain, eu troi’n hongiadau wal neu eu defnyddio mewn gwaith gludo a gwneud cardiau, tagiau anrhegion a nodau llyfrau.
Bydd yr holl ddeunyddiau’n cael eu darparu. Efallai y byddi di hefyd am ddod â rhai o dy betalau blodau sych neu edafedd dy hun i’w hychwanegu at y detholiad o gynhwysion. Bydd digon o adnoddau gweledol i helpu i dy ysbrydoli, gan gynnwys delweddau gan artistiaid Gwneud Papur eraill. Byddi di’n cael taflenni gwybodaeth i fynd adref gyda ti, i dy helpu i archwilio crefft gwneud papur creadigol ymhellach a gwneud papur yn annibynnol.
*Dewch â ffedog, os hoffech chi, ynghyd â chynhwysydd/blwch cardbord cadarn ag arwyneb gwastad i fynd â’ch dalennau papur gwlyb A5/A4 adref ynddo. Byddant yn cael eu pentyrru ar frethyn amsugnol.
