O Gwmpas Castell Aberteifi
Crwydrwch drwy bob rhan o Gastell Aberteifi
Camu trwy’r Bwâu
Mae eich taith i Ŵyl Grefft Cymru yn dechrau dan ddwy fynedfa fwaog helyg newydd syfrdanol gan y cerflunydd byd-enwog o Sir Benfro, Tom Hare.
Mae’r comisiynau trawiadol hyn yn ymgodi wrth fynedfa’r Castell ac yn arwain i’r Ardd Lysiau, ac maent yn trawsnewid y profiad o gyrraedd, gan eich gwahodd i arafu, craffu a mynd i mewn i fyd a ffurfiwyd gan sgiliau, dychymyg a deunyddiau naturiol.
Comisiynwyd y bwâu yn arbennig ar gyfer yr Ŵyl Grefft a byddant yn aros yn eu lle tan 29 Tachwedd. Maent yn dathlu gwneud Cymreig ar ei ffurff fwyaf uchelgeisiol a barddonol, gan fframio Castell Aberteifi fel mynedfa i greadigrwydd, darganfod a chrefft ar eu gorau.
Darganfyddwch Wneuthurwyr Yfory
Mae’r arddangosfa a guradwyd hon yng Nghegin y Castell yn ffres, yn uchelgeisiol ac yn llawn addewid, ac mae’n dangos gwaith newydd gan fyfyrwyr sy’n graddio mewn Cerameg, Gemwaith a Thecstilau o Ysgol Gelf Caerfyrddin.
Dewiswyd y darnau’n ofalus o’r sioeau graddio gan Gyfarwyddwr Gŵyl Grefft, Sarah James MBE, ac mae’r arddangosfa’n cynnig platfform proffesiynol cyntaf hanfodol i wneuthurwyr datblygol, gan wahodd ymwelwyr i werthfawrogi eu syniadau beiddgar, eu dwylo crefftus a dyfodol crefft yng Nghymru.
Ychwanegwch Eich Pwyth at Gelfwaith Byw
Ymunwch â’r artist a’r athrawes Menna Buss yng Nghegin y Castell a chyfrannu at y Prosiect Gwisg Galico, sef celfwaith cydweithredol, esblygol sy’n ddarn chwaer i’r Wisg Goch ryngwladol enwog. Gwahoddir ymwelwyr i gyfrannu eu marc, eu stori neu eu pwyth, gan ychwanegu eu llais at ddarn o frethyn a rennir grymus. Cewch ragor o fanylion cyn hir.
Allan o’r Goedwig gyda CardiShed
Cydweithrediad newydd gyda CardiShed, yr elusen gwaith coed dan arweiniad gwirfoddolwyr, sy’n dathlu creadigrwydd fel erfyn grymus ar gyfer ymgysylltu, lles a gwydnwch. Yn swatio ym Mherllan y Castell, darganfyddwch sut mae gwneud yn hel pobl at ei gilydd, a bydd cyfleoedd i’r cyhoedd gyfrannu’n ymarferol.
Gŵyl Grefft yn y gymuned
Allgymorth: Diolch i Gyngor Celfyddydau Cymru, mae un o’n prosiectau allgymorth yn gweithio mewn partneriaeth â’r bobl ifanc o Futureworks a Walden Arts yn Aberteifi. Y nod yw creu cyfleoedd i bobl ifanc fagu hyder a’u hannog i gyfranogi yn y celfyddydau.
Gan weithio mewn chwe sesiwn wythnosol yn Walden Arts, archwiliodd y bobl ifanc o Futureworks gyfoeth o wahanol brosesau printio, yn cynnwys monoteip, printio botanegol, printio stensilau, colagraffeg a leino.
Rhoi gobaith i bobl ifanc
Allgymorth: Mae QEST ac elusen addysgol Novus yn gweithio gyda’r Ysgolor QEST, Jystyna Medon o Addicted to Pattern, ar brosiect creadigol a chyflogadwyedd i ddysgwyr ifanc mewn carchardai yng Nghymru. Arddangosir y canlyniadau yng Nghegin y Castell o 11-13 Medi.
- 11/09/2026 - 11/10/2026
11 Medi – 11 Hydref 2026 O ddechrau mis Medi, bydd Llwybr Crefftau’r Dref yn gweld 7 lleoliad ledled Aberteifi yn croesawu 7 gwneuthurwr gwobrwyedig o Gymru. Casglwch stampiau’r Llwybr a byddwch yn cael eich cynnwys mewn raffl gwobrau. Lleoliadau’r llwybrau yw’r Mwldan, The Albion gan Fforest, Jakes, Cardigan Bay
- 31/07/2026 - 13/09/2026
- 10:00 am
To celebrate the return of Craft Festival Wales and Eisteddfod to Cardigan, we proudly present Aur/Gold, a star-studded exhibition of former Gold medallists in both art & craft from Y Lle Celf across the decades. Curated by Suzi Park & Craft Festival Director, Sarah James, MBE, Aur will feature Internationally
