O Gwmpas Castell Aberteifi
Crwydrwch drwy bob rhan o Gastell Aberteifi
Camu trwy’r Bwâu
Mae eich taith i Ŵyl Grefft Cymru yn dechrau dan ddwy fynedfa fwaog helyg newydd syfrdanol gan y cerflunydd byd-enwog o Sir Benfro, Tom Hare.Mae’r comisiynau trawiadol hyn yn ymgodi wrth fynedfa’r Castell ac yn arwain i’r Ardd Lysiau, ac maent yn trawsnewid y profiad o gyrraedd, gan eich gwahodd i arafu, craffu a mynd i mewn i fyd a ffurfiwyd gan sgiliau, dychymyg a deunyddiau naturiol.
Comisiynwyd y bwâu yn arbennig ar gyfer yr Ŵyl Grefft a byddant yn aros yn eu lle tan 29 Tachwedd. Maent yn dathlu gwneud Cymreig ar ei ffurff fwyaf uchelgeisiol a barddonol, gan fframio Castell Aberteifi fel mynedfa i greadigrwydd, darganfod a chrefft ar eu gorau.
Darganfyddwch Wneuthurwyr Yfory
Mae’r arddangosfa a guradwyd hon, yng Nghegin y Castell, yn ffres, yn uchelgeisiol ac yn llawn addewid, ac mae’n dangos gwaith newydd rhagorol gan fyfyrwyr sy’n graddio mewn Cerameg, Gemwaith a Thecstilau o Ysgol Gelf Caerfyrddin.
Dewiswyd y darnau’n ofalus o’r sioeau graddio gan Gyfarwyddwr Gŵyl Grefft, Sarah James MBE, ac mae’r arddangosfa’n cynnig platfform proffesiynol cyntaf hanfodol i wneuthurwyr datblygol, gan wahodd ymwelwyr i werthfawrogi eu syniadau beiddgar, eu dwylo crefftus a dyfodol crefft yng Nghymru.
Darganfyddwch Wneuthurwyr Yfory
Mae’r arddangosfa a guradwyd hon yng Nghegin y Castell yn ffres, yn uchelgeisiol ac yn llawn addewid, ac mae’n dangos gwaith newydd gan fyfyrwyr sy’n graddio mewn Cerameg, Gemwaith a Thecstilau o Ysgol Gelf Caerfyrddin.
Dewiswyd y darnau’n ofalus o’r sioeau graddio gan Gyfarwyddwr Gŵyl Grefft, Sarah James MBE, ac mae’r arddangosfa’n cynnig platfform proffesiynol cyntaf hanfodol i wneuthurwyr datblygol, gan wahodd ymwelwyr i werthfawrogi eu syniadau beiddgar, eu dwylo crefftus a dyfodol crefft yng Nghymru.
Ychwanegwch Eich Pwyth at Gelfwaith Byw
Ymunwch â’r artist a’r athrawes Menna Buss yng Nghegin y Castell a chyfrannwch at y Prosiect Gwisg Galico, sef celfwaith cydweithredol, esblygol sy’n ddarn chwaer i’r Wisg Goch ryngwladol enwog. Gwahoddir ymwelwyr i gyfrannu eu marc, eu stori neu eu pwyth, gan ychwanegu eu llais at ddarn o frethyn a rennir grymus.
Gallwch gofrestru ar y diwrnod i ymuno â Menna mewn gweithdy pwytho i ychwanegu eich cyfraniad.
Dewch i’r Gegin yn Nhŷ Gwyrdd y Castell i gofrestru.
Bob Dydd gallwch ymuno â sesiynau 1 awr, am Ddim.
Amseroedd y Sesiynau: 10.30, 11.30, 1.30, 3.30
Allan o’r Goedwig gyda CardiShed
Cydweithrediad newydd gyda CardiShed, yr elusen gwaith coed dan arweiniad gwirfoddolwyr, sy’n dathlu creadigrwydd fel erfyn grymus ar gyfer ymgysylltu, lles a gwydnwch. Yn swatio ym Mherllan y Castell, darganfyddwch sut mae gwneud yn hel pobl at ei gilydd, a bydd cyfleoedd i’r cyhoedd gyfrannu’n ymarferol.
Allan o’r Goedwig gyda CardiShed
Cydweithrediad newydd gyda CardiShed, yr elusen gwaith coed dan arweiniad gwirfoddolwyr, sy’n dathlu creadigrwydd fel erfyn grymus ar gyfer ymgysylltu, lles a gwydnwch. Yn swatio ym Mherllan y Castell, darganfyddwch sut mae gwneud yn hel pobl at ei gilydd, a bydd cyfleoedd i’r cyhoedd gyfrannu’n ymarferol.
Gŵyl Grefft yn y gymuned
Allgymorth: Diolch i Gyngor Celfyddydau Cymru, mae un o’n prosiectau allgymorth yn gweithio mewn partneriaeth â’r bobl ifanc o Futureworks a Walden Arts yn Aberteifi. Y nod yw creu cyfleoedd i bobl ifanc fagu hyder a’u hannog i gyfranogi yn y celfyddydau.
Gan weithio mewn chwe sesiwn wythnosol yn Walden Arts, archwiliodd y bobl ifanc o Futureworks gyfoeth o wahanol brosesau printio, yn cynnwys monoteip, printio botanegol, printio stensilau, colagraffeg a leino.
Bydd arddangosfa o’r gwaith a gynhyrchwyd yn yr Ystafell Enfys yn Nhŷ Gwyrdd y Castell yn ystod yr Ŵyl.
Rhoi gobaith i bobl ifanc
Allgymorth: Mae elusen addysgol QEST a Novus, yn gweithio gyda Ysgolhaig QEST, Jystyna Medon o Addicted to Pattern, ar brosiect creadigol a chyflogadwyedd gyda dysgwyr carchar o HMP Parc ym Mhen-y-bont ar Ogwr.
Bydd y canlyniadau i’w gweld yn Ystafell y Brecwast yn ystod yr Ŵyl Grefft.
Rhoi gobaith i bobl ifanc
Allgymorth: Mae elusen addysgol QEST a Novus, yn gweithio gyda Ysgolhaig QEST, Jystyna Medon o Addicted to Pattern, ar brosiect creadigol a chyflogadwyedd gyda dysgwyr carchar o HMP Parc ym Mhen-y-bont ar Ogwr.
Bydd y canlyniadau i’w gweld yn Ystafell y Brecwast yn ystod yr Ŵyl Grefft.
