Rwy’n gwneud cynhyrchion bach a mawr o bren caled lleol Gogledd Cymru, gan ddefnyddio cymaint o bob coeden â phosibl, o’r canopi i’r boncyff. Ysbrydolir fy ngwaith gan fywyd y goeden a’r elfennau sy’n ei siapio. Mae hirhoedledd yn bwysig – fy nod yw creu darnau a fydd yn cael eu caru, eu trafod a’u trosglwyddo. Rwy’n gweithio’n bennaf gyda phren lleol, gan drawsnewid ffurfiau naturiol yn ddarnau cerfluniol defnyddiadwy sy’n cyfuno siapiau organig â manylion am amser a natur. Mae pob darn yn ymateb i gymeriad y pren, gan bwysleisio’i raen, ceinciau a’i wead, ac archwilio amser, twf a’r berthynas rhwng deunydd ac ymyrraeth ddynol. Rwyf hefyd yn herio sut mae pren yn cael ei orffen ond gan gadw nodweddion moel y goeden. Astudiais Ddylunio 3D ym Mhrifysgol Fetropolitan Manceinion, gan raddio yn 2002, ac rwyf wedi bod yn gwneud bob dydd ers hynny. Dros y 15 mlynedd diwethaf, rwyf wedi canolbwyntio ar bren lleol yn bennaf fel ysbrydoliaeth ac fel deunydd, gan gyfuno dulliau cerfluniol clasurol â chysylltiad dwfn â natur.
